by Lore Mae Villaret Romualdo
Gibutyag ni Abu Misry Mama, tigpamaba sa Bangsamoro Islamic Freedom Fighters kon BIFF nga uban sa ilahang mga armas ang ilahang pinalit sa miyembro sa militar nga ilahang maka-engkwentro sa kantidad nga dili mu-ubos sa 70, 000. 00 ngadto na 75, 000. 00. Sumala niya nga kung dili pinalit ang mga armas, uban niini ang ilahang mga narekober sa lugar kung asa nagakahitabo ang engkwentro sama sa nahitabo sa Mamasapano, Maguindanao milabay’ng Enero 25 kung asa napulo ka mga aras gikan sa PNP-Special Action Force ang ilahang gikuha. Pasigarbo usab ni mama nga dunay mga organisasyon ang nagasuporta sa ilahang kalihukan gikan sa ubang kanasuran sama sa Estados Unidos ug Muslim Countries. Gipanghimakak usab niini nga sila gapangayuan ug kwarta sa ubang mga indibidwal gumikan wala matud pa kini nahisubay sa ilahang doktrina ug basi matud pa sa ilahang prinsipyo, mas maayong muhatag kung itandi sa mangayo (it’s better to give than to received). |